Солар Спектар ја изведе најголемата фотоволтаична централа на кров
Фотоволтаичната централа „Крин Солар“ со инсталирана моќност од 999,845 kW, поставена на кровната површина на компанијата „КРИН КГ“ ДОО во Прилеп претставува најголемата фотоволтаична централа изведена на кров во нашата држава.
„КРИН КГ“ ДОО е компанија чија главна дејност е сечење, обликување и доработка на камен и оваа централа целосно ги задоволува енергетските потреби на компанијата. Беа поставени вкупно 2597 фотоволтаични панели изработени од монокристален силициум, со моќност од 385 W поединечно.
Со годишно производство од 1.404.434 kWh и годишни избегнати емисии на CO2 од 491.520kg, Солар Спектар активно учествува во енергетската стратегија на Европската Унија за зголемување на уделот на обновливите извори на енергија во вкупното производство како и намалување на емисијата
на стакленички гасови.
Со изведбата на овој систем, Солар Спектар достигнува вкупна инсталирана моќност од 7477,815 kW и ќе продолжи и понатаму да го зголемува уделот на сончевата енергија во вкупното производство на енергија.